Հանգստանալուց առաջ` բժշկի մոտ

Վիճակագրության համաձայն, առողջարանում յուրաքանչյուր չորրորդ հանգստացողը հիվանդանում է:  Այդ հիվանդություններն առաջանում են հանգստի առաջին օրերին, որոնք հրահրվում են երկար թռիչքների, եղանակային կտրուկ փոփոխությունների և կենսակերպի պատճառով:

Դրանից խուսափելու համար հարկ է չսառել, շատ չուտել, միջանցիկ քամիներից հեռու մնալ: Սակայն արձակուրդի ժամանակ դրսևորվում են ոչ միայն նոր, այլև սրանում են նաև քրոնիկական հիվանդությունները: Որպեսզի դա տեղի չունենա, հարկ է չեզոքացնել հիվանդության օջախները: Դրանում կօգնի բժիշկը:

Որ մասնագետին պետք է դիմել

Ատամնաբույժ

Բժշկական ոչ մի ապահովագրություն չի վճարում ատամնաբուժական ծառայությունների համար: Ատամնացավ հրահրում է սառեցումն ու դայվինգով զբաղվելը: Ատամնաբույժին հարկ է այցելել հանգստի գնալուց առաջ, եթե, նույնիսկ, ատամները չեն անհանգստացնում, հնարավոր է, որ անհրաժեշտ լինի ատմնալիցք կատարել, որն, ըստ կանոնների, անցկացվում է երեք այցելությունների ընթացքում:

Գինեկոլոգ

Սառեցումը կնոջ համար հղի է տարբեր բորբոքային հիվանդություններով: Կանանց մոտ դրանք հիմնականում առաջանում են միզասեռական ինֆեկցիաների հետևանքով, որոնք մասամբ ընթանում են առանց ախտանշանների: Միայն գինեկոլոգի մոտ հետազոտվելիս հնարավոր է դրանք հայտնաբերել: Ցանկալի է ՈՒՁ-հետազոտություն կատարել. եթե հայտնաբերվի արգանդի միոմա, արևի տակ երկար մնալու դեպքում կարող է արյունահոսություն սկսվել:

Թերապևտ

Եթե արդեն 40-ն անց եք, ապա հանգստի մեկնելուց առաջ անհրաժեշտ է համոզվել, որ զ/ճ-ն նորմալ է: Տարիքի հետ զ/ճ-ն կարող է բարձրանալ  նույնիսկ առողջ մարդկանց մոտ: Իսկ երկար թռիչքներն ու եղանակի փո կտրուկ փոխությունը կարող են հրահրել հիպերտոնիկ կրիզ: Մի հրաժարվեք, եթե բժիշկն առաջարկի որոշ հետազոտություններ անցկացնել: Արյան կլինիկական և կենսաքիմիական հետազոտությունները ցույց կտան առաջացած կամ նոր սկսվող հիվանդության առկայությունը:

Քիթ, կոկորդ, ականջաբան

Ականջներում ծծմբաթթվով խցանումները սովորաբար ինքնիրեն չեն դրսևորվում և դրա համար էլ, մինչև ականջի մեջ ջուր լցվելը դրա գոյության մասին ոչ-ոք չի կասկածում: Սակայն այտուցված խցանումն ականջներում առաջացնում է աղմուկ և ծանրության զգացողություն, իսկ այն առանց բժշկի օգնության ինքնուրույն բացելն անհնար է: Դրա համար մինչև առողջարան մեկնելը խցանումը հայտնաբերելու և հանելու համար հարկ է դիմել քիթ, կոկորդ ականջաբանին:

Հանգստացողի դեղարկղիկում պետք է լինեն.

• Ջերմաչափ, սպեղանի, ջրածնի պերօքսիդ կամ ադամանդե կանաչ («զելյոնկա»)` վերքերի մշակման համար:
• Ակտիվացրած ածուխ (մարսողության խանգարումների դեպքում), ֆերմենտներ (չափից ավելի շատ ուտելու դեպքում), անտացիդային պատրաստուկներ (այրոցի, բարձր թթվայնությամբ հրահրված ստամոքսի ցավերի դեպքում), կլանող միջոցներ (դիարեայի դեպքում):
• Հակասեպտիկ և անզգայացնող պատրաստուկներ` կոկորդի ցավի դեպքում:
• Քթի կաթիլներ յուղային հիմքով, որոնք անոթները չեն չորացնում և չեն սեղմում` ռինիտների դեպքում:
• Սպազմոլիտիկներ` սպազմերի դեպքում:
• Ոչ ստերոիդ հակաբորբոքային պատրաստուկներ` ցավային համախտանիշը և արթրիտի դեպքում  բորբոքումը վերացնելու համար, օստեոխոնդրոզի, ռևմատիզմի սրացումների դեպքում և այլն:

Հարցեր, պատասխաններ, մեկնաբանություններ